عصافير الجنة

طارق لما كان عنده أربع سنين كان بيحب يقعد على رجل باباه في الأتوبيس جنب الشباك .. وكان بيفرح أوي بنفسه لما يمسك في الحديد اللي فوق المسند اللي قدامه وكأنه ماسك الدركسيون بالظبط .. ويميل بجسمه يمين وشمال كأنه هو اللي بيسوق الأتوبيس ! .. وكل شوية يضم صوابعة الأربعة للإبهام ويفتحهم ويقفلهم كذا مرة كأنه بيزمر : بيب بيب .. وباباه – لأن هو اللي كان حافظ السكة – يقول له : خـُش يمين يا طارق